Ka Meghalaya Power Distribution Corporation Limited (MePDCL), da pynbna ko wow pynkrehkaam biang yei pyndooh bordiñ namo ka Load Shedding nadooh ka 30 tarik uni u bnai, ha waroh kawi ka sor Shillong wa khapsor, wei i por wa pyndooh bordiñ em kiwa dooh chi kynta wei em kiwa ar kynta chi sngi.
Neiliang ki kattu katni ngut kiwa chong chnong da pynsñiaw ki yei wym yahaap hajrong ini i pyndooh bordiñ neibhah daw ktah ya kiwa boon ki kaam, wei da man ki leh kiwa ym ye u leh iyi iyi neibhah ka Load Shedding da man ko kam ka tamasa kawa wan ma-u-snem.
Hajrong ini i pynbna, neiliang ka MLA yong ka East Shillong, ka Dr. M. Ampareen Lyngdoh da ong ko wa ka sorkar jylla da maad ko ya iwa boon i eh hawa yatoh wa ka bordiñ, wei katni da ki snem da hap wow pynkrehkaam ya ka Load Shedding. Kawa da ong wa kam ka MLA kawa emlang ha ka sorkar daw paan pynche ko iyi daw wa da pynman ya ka sorkar wow pynkrehkaam biang ya ka Load Shedding wei wow e yumut leh kammon wow pynlait na ini i eh.
Ha kawi ka liang, kawa yahkhmat warim ka CLP, da kyntu ko leh ya ki paidbah wow yai chah chipor, hawa ka kam kawa mihkhmat daw paan pynche ko hajrong ini neibhah ktah i chiboon ya ki paidbah wa chong chnong.
