theme-sticky-logo-alt
theme-logo-alt

Da ka e sikai seiñ khih ya ki khynroo khyllood ka Ri Jaiñtia u pynman u Wailadmiki

U MLA ka Jowai, u Wailadmiki Shylla ha kani ka kynti da pyntip u wa daw pynman ya ka e sikai neibynta ki khynroo khyllood ka Ri-loom Jaiñtia heiwa kammon wow seiñ kreh ki kawa da e pyrtuid “Training for Business Start-Up” neibhah katkam wa man katni em chiboon ki sap ha ki tangwa ymyoh ki ya ka laad wow pynjanai ya i sap yong ki.

Da ong u wa kani ka e sikai u sdang ko nadooh ka 6 Naisan 2022 heiwa i e sikai u man i ar kynta chi sngi heiwa daw e sikai ha kiwa boon ki bynta kammon wow sdang u seiñ khih seiñ khan, kammon wow pynlai kaam wa kiwi kiwi.

Chooh chooh da pyntip u wa lyngba kani ka e sikai daw man ko leh kam ka yakob heiwa daw pynkhreh kiwa chimbynta ya ka Business Plan wei u namo kawa jop u yoh ki T. 2 lak wow ye ki u pynemkaam wow seiñ kreh ki namo ka Seed Money. 

Ha kani ka e sikai daw wan leh ki bru chemphang na ki chnat sorkar wow khana ya ki Scheme wow ye u seiñ kreh kam ka PMEGP wa kiwi kiwi. 

Heijooh i por da pyntip u wa kiwa ymjop ha kani ka yakob daw yarap ya ki wow yoh ya ki Business Plan khnang wow suk ki u yoh ram na ki Bank. 

Da pyntip u wa ka tarik wa khaddooh wow pdiang ya ki Form (du Online) u man ko ha ka 4 Naisan 2022 wei ka e sikai u man ko ha Thomas Jones Synod College wei kani ka College ym embynta ko iwon iwon heiyatoh wa kani ka e sikai kamtæ ham lai e ya ka Form cha kani ka College. 

Neibynta ka yutip wa bniah ye u phone ha kini ki Number: 6009102781/9436795530.

Ka Yutip wa bniah ye u yoh deiwa pait ya ini i Video ha wah:

Share this:
Previous

Da pynthymme ya ka bai Taxi ha Jowai

Next

I pyndooh bordiñ ktah bha i ya ki paidbah, daw paan pynche ka Ampareen naka sorkar