Heiyatoh wa ka Written Exam neibynta i kreh LDA Cum Typist wa da pynbna da ka DSC ka East Jaiñtia Hills lyngba u Member Secretary ynnin, ynne won da pyntip u wa da em i pynkylla kajiak yeiwa dadep pynbna.
Kani toh neibynta ka Notice No.EJHD/DSC.13/Pt.II/2014/178, Date:- 3rd September, 2024 ya kitu kiwa da chah jied yei kreh LDA Cum Typist katkam ka Advertisement No.EJHD/DSC.5/ADVT/2013/39, Dated:- 14th March, 2024 wa da pynmih da ka District Selection Committee wei iwa pynkylla man i kamni ha wah:
Ya ki E-Admit Cards ye wow Download nadooh ka 5 tarik uni u bnai heithaw wa iwa da pynbna wa ye u leh yeini nadooh ka 4 tarik, wei da hap leh yeini neidaw wa em i bakla wei itu wa da pynbna ynnin toh iwa da pyndam.
Ya ki E-Admit Card ye wow Download deiwa lai ha https://eastjaintiahills.gov.in deiwa pyndap yeiwa emkaam wei wow Print won ka.
Ka tarik u pynman ya ka Exam toh ha ka 28 tarik uni u bnai heiwa nadooh 10:00 waje i step hadooh 11:00 waje i step toh neibynta ka Subject General English wei daw pynbood da ka Elementary Mathematics, General Science, Aptitude & General Knowledge nadooh 1:00 waje i sngi hadooh 3:30 i sngi ha ka 28 tarik hi.
Kitu ki wym ye u Download ya ka E-Admit Card ki, ye ki wow lai cha ka National Informatics Centre wa District Selection Committee Branch wa em ha yung krehkaam u DC ha Khliehriat deiwa rahlang ya ki ID wa kiwi ki kot ki sla wa emkaam yow pynsakhiat deilang wa i dur Passport Size.
Discussion about this post