Jowai: Ha ki ar tayaw nachwa hadien waka sorkar da e bor ko wow wai biang yaki skur neibynta ki khynnah Class 9 hadooh Class 12 du neibynta kiwa kwah u paan pynche na kiwa sikai heiyatoh waki phang wa artatien ki, neiliang u Wyrta da pyrchang u wow yaklam wa ki kattu katni ki Principal yong ki skur heiyatoh wa i rukom pynkhreh yong ki yei wan ki khynnah cha skur kamjooh i rukom e sikai cha ki khynnah.
Kamtæ ha kani ka tayaw won hadien waka sorkar da e lad ko sa yaki khynnah Class 6 hadooh 8 wow lai mih ki cha skur, neiliang u Wyrta da pyrchang won u wow yachem wa ki bei ki pa yong ki khynnah kamjooh ki khynnah skur wa kiwi wa kammon sñiaw ki hajrong kani ka hukum yong ka sorkar, wei em hi ki mo i sñiaw chngaaiñ yaki wow phah yaki khon cha skur.
Heini i lai yachem neiliang ki bei ki pa da pynsñiaw ki ya jar jiar ki yumut wa em haki, wei da yoh laad leh u yaklam wa kawi naki khynnah skur wa puræ Class 8, heiwa da pynsngaw ko yei dooh myntoi neidaw wym yoh de ko u lai skur.
Heiyatoh won wa i e laad ka sorkar wow lai li mih ki cha ki skur nadooh ka 15 tarik uni u bnai, neiliang yong ka khana ko wa em hi i thrang i angnood ko wow lai cha skur tangwa katte leh daw ap ko yei ong ka bei u pa ko.
Ya ini i pynsñiaw ki paidbah ye phi wow pait ha ini i Video ha wah:
