U G.K. Iangrai, Asstt. Inspector General of Police (A), Meghalaya da pyntip u wa ynne i step heipor kamwa 4:55 da yoh yutip ki wa ki kari wa synran ya u James PK Sangma, uwa man leh u montri ka chnat bordiñ da em ki hei ya tyrrah kari ha Nagaon, Assam.
Kamtæ da phah wut wut yaki pulit wow lai cha ini i thaw wa jia wei manda poi ha ini i thaw wa jia da chem wa ka kari wa lai nakhmat dooh namo ka Pilot Vehicle toh kawa da kylla kamjooh ka kari wa chong u montri leh da takha ko.
Ki 4 ngut ki pulit kiwa em hapoh ka kari wa kylla da kit yaki cha Civil Hospital, Nagaon yow yoh yei sumaar katwa ya u montri won da pteiñ u yei luti yong oo cha i thaw sah u ha Shillong.
Kini ki ar tylli ki kari wa da embynta ha ini i tyrrah kari da kit cha Nonoi Out-Post yow leh ya iwa emkaam wei dang ya krehlang ki pulit ki ar jylla yow pyndep yeiwa emkaam.
