15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa hiar chuki ka BJP Jaiñtia Hills ya u Dr. Kharluki manda pynsakhiat yei baamtooh hapoh JHADC

Advertisement ad1
Advertisement ad1
Advertisement ad1

Ka BJP Party na Jaiñtia Hills kamjooh ki MDC (BJP) ha JHADC da kyntait ki yeiwa kam u Dr. W.R. Kharluki, NPP State President uwa man leh u MP Rajya Sabha uwa da ong wa u State President kamjooh u MDC, BJP da klam ki khlem biang ki kot ki sla lane ki sabut.

Ka BJP na Jaiñtia Hills ong ko wa da pynkhreh ko wow pynyoo yaki kot ki sla yei baamtooh cha u Dr. W.R Kharluki wei manda dep u e ya kini ki sabut lada bien u wow pynchitom yaka u CEM waka Executive Committee ka JHADC.

Ka BJP da ong ko wa haka 01-05-20 u CEM da ong u wa ka JHADC dang yang ko yaka poisa naka sorkar jylla kawa man kam i bhah (Royalty Share) wa toh u yoh naki mar pohkhyndaw kawa toh u poi T. 100 klur. Katwa haka 13 tarik u jooh u bnai u  CEM da e khubor u deiwa maham wow lai cha ki yung kachari lada ka sorkar ym pynlait ko yaka T. 94,40,00,000 kam i bhah na i mar pohkhyndaw.

Haka 04-06-2020 u CEM, JHADC da ong biang u wa da toh u yoh kamwa T. 93,00,00,000 kam ka bhah na ki mar pohkhyndaw. Katwa haka dorbar lyiur wa pynman haka 28-07-2020, u CEM da ong u wa palat T. 100 klur dang sah waka sorkar jylla kawa ka JHADC ym pu em yoh ko. Tangwa haka 10 tarik uni u bnai da ong u wa T. 50 klur toh i bhah na ki mar pohkhyndaw kiwa ym pu em yoh naka sorkar jylla.

Kamtæ da ong wa ini pynyoo ko wa u CEM ka JHADC da pyrchang u wow yah bakla yaki paidbah ka ri-loom Jaiñtia uwa klam khlem da biang ki kot ki sla iwa pynyoo leh ym tip u yei long i man ki kaam poisa poilaiñ hapoh ka Council. Ka BJP da kylli ko wa lada u Dr. W.R Kharluki u phah hiar chuki u ya u CEM (NPP) uwa klam khlem biang i yutip uwa thok chukor uwa yahbakla yaki bru ka ri-loom Jaiñtia.

Da ong leh wa i baam tooh hapoh ka JHADC daka EC wa yahkhmat daka NPP waka UDP toh iwa cha palat dooh.

Da pynkut deiwa ong wa lada artatien yeiwa ong u State President ka BJP, ka BJP Jaintia Hills smat ko wow e ki kot ki sla yow pynsakhiat yaki kaam baamtooh wa em hapoh ka JHADC wei lada bien u State President ka NPP wow hiar chuki lada pynsakhiat yaki kaam baamtooh hapoh ka JHADC.

Ka kyrwoh na u Lakhon Biam, MDC, u Dawan Lyngdoh, MDC, u Krison Langstang, MDC, Sing Mulieh, BJP State General Secretary, u Shaphrang Lyngdoh, President BJP West Jaiñtia Hills Unit wa u Moonlight Daw, BJP General Secretary West Jaiñtia Hills Unit .

Share this:
Previous

I pyntip neiliang ki pulit hajrong i tyrrah kari wa kit ya u James Sangma

Next

57% kiwa dang yoh COVID-19 ha India em ki ha ki 5 tylli ki jylla