U heh ka BJP uwa man leh u MLA ka Pynthorumkhrah, u Alexander Laloo Hek ynne da ong u wa i rai ki 9 MLA ka UDP wa ki TMC wow psiah cha ka BJP chong i ha ki heh na Delhi.
Chooh chooh da ong u wa ka BJP pdiang ko ya kiwa psiah cha ka wei da yooluti u wow chna sorkar ka BJP ha u 2028 tangwa ka seiñ hi ha jylla ymye ko wow rai yei psiah ki MLA na kiwi ki Party.
Da kubur u leh wa da em i yaklam hapyrdi ki MLA wa ka BJP wei i rai wa khaddooh u chong i ha ki heh ha Delhi.
Heiyatoh wa lada ki MLA wa kynjoh ktien ya ka BJP, u Hek da ban u wa yeini da leh bait da ki heh na Delhi.
Hajrong i yatoh lok ki Party hapoh ka sorkar MDA, u Hek da kyntait u wow klam iwon iwon.
Heiyatoh wa i pynbaad won iwi ya iwi, u Hek da ong u wa em bait i pynbaad wei ka BJP u yaleh ko wow pynkhlan yei rukom krehkaam khnang wow ye u chna sorkar ha u 2028.
Discussion about this post