Sñiaw dang katwon don hi i lai luti,
Ym sñiawthooh hi wa lai ki por ki sngi;
Da u bnai wa ynñiaw paya uni,
I rta won i dang hei jooh bait neh i.
Boonsien boonkaam heh i yei tu yei ni,
Uiñ pakhnan heh i, i tu tu ni ni;
Ym sñiaw hi sa u snem u kut,
Kut du hei kular heh khlem kut yumut.
Man da heh tæ u kylla i da eh,
Neibhah yei kaam sakhiat da leh kyndeh;
Heitæ u sdang u silet kylla,
Wa tieñ ya duk u thaap thnga.
Dait lamieñ trait dei yong chynrang,
Ham e laad ya ki dieñ wa khang;
Sa san bnai i por ya i dang em,
Pyndep yeiwa da thmu ha mynsien.
Katwon tam heh u im ha pyrthai,
Pyrchang leh u leh yei mon u Blai,
Neibhah chisien, ya i daw bichaar;
Heitæ ki kaam wa bha yong i, u rai.
Chirup wa Oo ha neiñ heitai??
Namo??
Wow soitan dei lang wa ka pyrthai;
Chong ha nga ha phi u jied u rai.
Discussion about this post