Ka sorkar Meghalaya lyngba ka chnat i chait i khiah da ong ko wa i deiñ ya ki Mask toh kawi na ki laad wa emkaam wow yada nei poor ka khlam COVID-19 najrong wa pynmyllien leh ya kiwi ki rukom im deiwa yajngai uwi ya uwi, u yait u lai cha ki thaw wa boon bru, u em ha ki kamra wa lait la-ær, u tymmoh yei ktien wa i khmut hawa ky’oh wei synrieh.
Neiliang ka sorkar da pynmih ko ya kini ki kyndon wa toh u bood hawa deiñ Mask yow krehkaam ki wei yow yoh leh yei yada wa tikna:
Waroh kiwa em 2 snem chaneiñ toh u deiñ Mask ki kawa em 3 rtap/N-95 Mask hawa mih cha lait wei hawa em hajan kiwi ki bru ki wym toh kiwa chi yung chi sem.
Ym toh wow deiñ ya ki Mask wa chna na ki jait that kiwa ym ye u riñ mynsien kam kiwa chna na ki Plastic lane ki snieh wei ym toh u man ki jait that kiwa ym toh kiwa skem kiwa ye u chynna hawa chba ka light lane kiwa du chi rtap donhi.
Ki Mask wa chna kam na ki Cotton kiwa ye u riñ mynsien ye wow deiñ lang ki wa ki Three Ply Surgical Mask napoh yow pyntikna wa yoh yei yada wa pura.
Emkaam wow sait ya ki kti chwa wow deiñ ya ki Mask kamjooh hadien wa looid ya ki Mask kamjooh hadien tba ya ka Mask ha iwon iwon ki por.
Toh u pyntikna wa ka Mask tymmoh lut ko ya waroh i khmut, i ktien wa i tangbieñ.
Ym toh wow tymmoh da ka Scarf/Muffler yow man kam ki Mask.
Manda looid ya ki Mask toh u booh ki ha ki thaw wa khooid lada toh u pynemkaam biang. Toh u sait ya ki Mask chwa wow pynemkaam ki.
Ya ki Mask kiwa da toh u noh, hap wow booh chwa ki hapoh ka yusong wa chna da ka kot ym duna ya 72 kynta chwa wow noh ki.
Kiwa yoh ya u COVID-19 lane kiwa em ki dak ki chin toh u deiñ Mask hawa em ki deilang wa kiwi.
Hap wow deiñ ya ki Mask hanla em hapoh yung lada emlang kiwa yoh ya uni u khñiang.
Waroh ki wakreh Health hap ki wow deiñ ya ki N-95 Mask hawa em ha ki thaw sumaar.
Kiwa sumaar ya kiwa chitom na u COVID-19 ha yung toh u deiñ ki ya ki N-95 lane ki Three Ply Surgical Mask deiwa deiñ sa kawi ka Mask wa chna da ka that. Kiwa chitom leh toh u deiñ bait ki ya ki Mask hawa em kiwa sumaar ya ki.
Ki bru wa em 60 snem chaneiñ kiwa da em chwa yei chitom hap ki wow deiñ ya ki Mask hawa em ki ha ki thaw paidbah kamjooh manda em kiwi ki bru chajan.
Kiwa yang ya ka COVID-19 Test Result toh u deiñ ki ya ki Mask hanla em ki ha yung leh hadooh wa yoh ya ka Result.
Hawa looid ya ki Mask toh u leh deiwa taan ya u tylle, dep te noh ya ki Mask wa toh u pynemkaam chisien donhi wei wow sait ya kiwa da jhieh da tngit.
Ham deiñ ya ki Mask wa em ki thaw riñ mynsien namo ki Valves.
Hawa deiñ Mask ym em mut wow dam u leh ya ka Social Distancing.
Ki Mask toh u deiñ ha waroh ki por hawa lai luti da ka lieñsuiñ, ki rel wa kiwi ki kari kamai.
Lada deiñ ya ki Face Shield ym em mut wow dam u deiñ ya ki Mask.
Ym toh wow pynemkaam lang ya ki Mask wa kiwi.
