15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

I rukom esikai thymme ki skur ha Jowai wow man kam ka nongmuna ya kiwi tawon

Advertisement ad1

Hadien wa ka sorkar jylla da ebor ko ya ki skur wow sdang wai biang ki nadooh ka 21 tarik uni u bnai du neibynta ki khynnah wow paan pynche ki heiyatoh wa ki phang wa ki bynta wa artatien wei ki wym sñiawthooh ki, ini da wanrah i yei sñiawthooh bakla wa ha rukom ya kiwa pynlai skur hapoh ka jylla. 

Hajrong ini waroh, da em ki skur kiwa da kulmar wei kiwa thooh ya ki buit ki budia hajrong ini i rukom esikai hadien ini i rai ka sorkar iwa man leh deiwa bood ya ki kyndon ka sorkar khamtam heini i por wa em ka khlam COVID-19. 

Advertisement ad1

Neiliang u Wyrta da pyrchang u wow yaklam wa ki kattu katni ki skur ha Jowai kiwa iwa ye leh u man kam ki nongmuna ya kiwi tawon ki skur hapoh ka Ri-loom Jaiñtia wa ka jylla leh kamjooh. 

U Wyrta da yaklam u wa u Principal ka HK Singh Memorial Secondary School, u Teiborlang Passah uwa da ong wa neiliang ka skur yong ki nadooh u Naisaphra (August) da pyrchang ki wow lai luti deiwa sdang ya ki Online Class lyngba ki WhatsApp Group wa da chna jar jiar ki Class, wei hei pyrchang wa khian da chem ki ya u moochynthut wa boon neibhah ki boon khynnah toh kiwa na ki manyung kiwa ymjoh i bor wow pynbiang yeini.

Ha kani ka skur ki khynnah Class IX wa X em ki du kamwa 80-85% kiwa ye u leh ya ki Online Class.

Da pyntip u leh wa lada em iwa ym sñiawthooh ki khynnah yeiwa esikai ha ki Online Class, nyngkong ye ki wow yaklam chwa wa kiwa sikai, wei la jia won kattæ leh ym ye ki u sñiawthooh wei emkaam bait wow yachem wa kiwa sikai, neiliang ka skur da chna ko ya ki Routine wa 3 Subject chi sngi nadooh Monday hadooh Friday, wei emkaam u Phone chwa ki ya kiwa sikai wa toh ya ka Subject wa emkaam yarap ki khnang wa kiwa sikai u sñiawthooh ki wa katwon ngut chisngi em ki khynnah wa emkaam yarap yow booh ki yei por wa ye u yachem neibynta wa haap u bood ya ki kyndon sorkar.

Neiliang u Richard Uriah uwa man kam u Principal ka North Liberty Higher Secondary School da ong u wa ka skur yong oo da pynksan ko ya ka Online Schooling nadooh wa sdang hi katkam wa yah kani ka juk Internet wa katni wei katkam wa man katni ki khynnah kiwa da yoh myntoi na ka Online Class da em ki kamwa 85%. 

U Richard da ong u leh wa neibynta ki khynnah wa em kamwa 15% kiwa ymye u yoh myntoi na ki Online Class, neiliang ka skur da chimkhia ko wow khut ya ki wow wan ki chaphrang cha ka skur khnang wa neiliang kiwa sikai u ye ki wow yarap ya ki. 

Hawa yaklam wa ka Principal ka Jaiñtia Higher Secondary School, ka Dr. Rihunki J. Toi da ong ko wa neiliang ka skur hajrong wa da sdang ya ka Online Class da wanrah leh ya i rukom krehkaam wow yarap ya ki khynnah lada ym em u sñiawthooh ki hajrong kawon kawon ka bynta wei ki khynnah ye ki u wan ha i por wa da booh. 

Da pynrap ko leh deiwa ong wa katkam wa man katni da em ki khynnah kiwa emkaam yarap, da wan ki hanla booh 8 ngut chi Class tangwa da wan hiwot du kamwa 4-5 ngut ha ka chi sngi.

Ki Video batai kini ki Principal yong kini ki le skur ye phi ki u pait heini hawah.

Share this:
Previous

La 10,051 ngut kiwa da yoh COVID-19 ha Manipur, 76.42% kiwa da chait

Next

Da pynbna Micro Containment Area yaki yung ha Shillong wei da pyndam ya kiwi kiwa boon