I rukom pyllai kari ha Jowai heipor Behdieñkhlam

Jowai : U incharge traffic ka Jowai Police da pyntip u ya ki rukom pyllai kari heipor Behdieñkhlam ka wow sdang nadooh ka 10 tarik.

Ha ka 10 tarik i janmiet ym chah ya ki kari heh kam ki truck u lai ki na Jowai ye ki u lai na u sarok Intermediary Jowai Bye-Pass (Riat Muleiñ) u sarok na Lad Nartiang (Kiang Nangbah Government College) ka wa mih ha Yingkieñ Myntdu.

Ha ka 11 tarik won waroh ki kari heh kam ki truck u ksoh ya ki nadooh Hilltop nadooh 10 waje i step. Katwa heipor 4 waje u pyllait ya ki du na u Sarok Bye-Pass (Riat Muleiñ).

Ha ka 12 tarik daw em ka No Entry cha Iawmuaiang nadooh 9 waje i step hadooh 5 waje i janmiet. Ki kari wa lai cha Ialong, Namdong, wa kiwi kiwi ye ki u pynyieñ kari hajan ka Thomas Jones Synod College. Kiwa lai cha Shillong ye ki u lai lyngba ka Riatsasim (na u sarok thymme) wa mih ha sarok NH-44.

Related posts

Wow e ngooh ya ki Soo Dwar wa ka Tawiar ka Takan, pyndep ka Raij Jowai ya ka Kñia Khang

June 7, 2026

Pyndep ka Raij Jowai ya ka Kbai Mooknor wow e ngooh ya ki Soo Dwar Soo Luti

June 6, 2026

Ki kari khian kiwa wan na Khimmusniang ye ki u lai hadooh ha DC Point neitæ won hiar cha Meghalaya Studio wei ku biang ki cha Chutwakhu u man ko leh ka sarok one way. Kiwa wan na Pohchnong leh hap bood ki ya kani ka jooh hi ka luti. Heijooh i por waroh chi sngi u sarok na Dulong (Jan Yungwalieh) cha Iongpiah hadooh ha Lad Loomiongkjam u man ko ka No Parking Zone.

Katwa ha ka 13 tarik won u Sarok na Police Point – Iawmusiang hadooh wa poi ha Lad Aitnar (Chilliangraij) u man u kam u VIP Road heipor wa ki heh ki hain kiwa kyntup ya u montri rangbah ka jylla, u Chief Justice wa u Lat ka jylla.

Heipor kamwa 12 waje i sngi ye ki kari u psiah na Lad Wahnangbah yow lai cha Tpep Pale wa cha Pohchnong. Katwa heipor 4 waje janmiet hadooh 6 waje i janmiet ka sarok na HK Singh cha Iawmusiang hadooh ha Lad Kynrooh saphlang u man ko ka No Entry ya waroh ki kari.