Jowai: Heiyatoh wa i lehkmen snem thymme haka chnong Jowai haka sngi nyngkong u 2020, neiliang u SP ka West Jaiñtia Hills District da pyntip u wa nadooh 04:00 waje i janmiet ha Iawmusiang yow lait u thut i lehkmen yow man ko leh kawa lai bait deiwa pyrkhat leh ya ki paidbah da pynbait ya i lai kari iwa man kamni ha wah.
Ym chah ya ki kari wow psiah ki cha Iawmusiang deiwa booh ya ki No Entry ya ki kari ha New Hill Point, Kynroohsaphlang, Wah Nangbah Point wa DC Point heipor wa wan kiwa wan chaad yow yalang ki ha Iawmusiang.
Daw chah du kawi ka kari kawa kit ya ki tanghæng (Mounted Music Systems) wow psiah cha Iawmusiang kawa wan lang wa kiwa chaad.
Da maham leh ya kiwa yah kari dei muaid, kiwa pynhær kari, kiwa yah khlem akor kamjooh ya kiwon kiwon kiwa pynmih yaka awri awra.
U Superintendent of Police da kyrpaad u yaki paidbah wow bood ya kini ki kyndon neibynta i bha i miat yong waroh wei daw pynchitom ya kiwa leh pyrchah.
Discussion about this post