Jowai: Ka yalehke Badminton wa pynman da ka East Jaiñtia Hills District Badminton Association (EJHDBA) kawa ar sngi, kawa tip leh kam ka 3rd District Open Badminton Championship 2019 da poi ko cha wa kut ha ka 28 tarik uni u bnai kawa pynman ha Sutnga Presbyterian Higher Secondary School.
Waroh kiwa chimbynta ha kani ka yalehke da poi ki 40 ngut, wei ha kani ka yalehke da phiah ha ki ar bynta, ka ‘A’ wa ka ‘B’, kiwa jop ha ‘B’ ha ka Men’s Double tooh u Amsu Langki Sutnga wa u Samanlang Supooh, ha ka Men’s Single won da jop u Anthony Pala, katwa ha ka ‘A’ Men’s Double kiwa jop tooh u Cherish Pasleiñ wa u Paka-I-Yo Suja katwa haka Men’s Single won da jop u Rikidame Pala.
Ka Association da e khublei ko leh ya ka Sutnga Presbyterian Higher Secondary School wa da chah sñiawbha ko ya ka Association u pynman ya kani ka Lympung yalehke kamjooh leh da e khublei ko ya ka yung krehkam yong u District Sports Officer, Khliehriat.
Discussion about this post