Kam chibynta wow e laad ya kiwa chong chnong ka West Jaiñtia Hills District wow thied ki yaki marbaam mardih wa emkaam ha ki por wa pynkrehkaam yaka Curfew kamjooh yei emkaam ki warep, da pynmih yei rukom wai dukan wa thymme hapoh ka District.
Waroh ki dukan Fair Price Shop (dukan rachon) kiwa em hapoh ka NFSA waka Non-NFSA u chah u wai ki man ka sngi nadooh ka 17th April 2020 nadooh i por 9 waje i step hadooh 2 waje i sngi.
Ki dukan wa dai khoo wa kiwi ki mar wa emkaam wada jied da ki waheh chnong u wai ki ha waroh kawi ka District ha ki sngi Wednesday wa Saturday donhi nadooh 9 waje i step hadooh 2 waje i sngi. Ki dukan dai jhoor, soh, doh waki baam dih cha u chah u wai du kiwa da jied donhi da ki waheh chnong haki jooh ki sngi wa i por.
Ki dukan wa yatoh waka rep ka riang wa i psan mrad katkam wa da jied da ki District Agriculture Officer wa District AH&Veterinary Officer u chah u wai ki haka Wednesday wa Saturday nadooh 9 waje i step hadooh 2 waje i sngi.
Ki Distributors waki Wholesalers ki Essential Commodities wa da chah jied wow pynbiang mar cha ki dukan, yow e laad yaki wow pyndap yeiwa emkaam ki dukan da chah wow lai booh mar ki haka sngi Tuesday wa Friday nadooh 9 waje i step hadooh 4 waje i janmiet hapoh ka West Jaiñtia Hills District. Waroh ki Wholesalers & Traders toh u booh ki yaka Daily Stock waka Sale Register kawa da kheiñ bniah.
I dai Wholesale yaki jhoor haki yaw wa da booh wa em ha Lay Bye Market, Ialong haka sngi Tuesday wa Friday nadooh 9 waje i step hadooh 4 waje i janmiet. Emkaam wow yoh yei mynjur na u District Agriculture lane u District Horticulture yow yoh ki yaka Curfew Pass heiyatoh wa kiwa dai Wholesale katwa ya kiwa dai dukan won emkaam wow yoh yei mynjur na ki waheh chnong lane ki waheh dong.
Ki waheh chnong deiwa ya krehlang waki pulit u pait ki yei rukom wai ki dukan deiwa bood leh yaki kyndon wa pynmih daka sorkar lyngba ka Health & Family Welfare Department yow bood yaka Social Distancing.
Yaki paidbah won toh u pynemkaam ki yaki Mask hawa mih ki cha lait, u leh yaka Social Distancing deiwa ya jngai chi meter uwi na uwi, ym toh u ya psiah waroh waroh du ha kawi ka dukan, ym chah wow wan lane wow lai na kawi ka chnong cha kawi ka chnong, ym chah wow mynthu cha ki thaw paidbah, u ya krehlang wa iwa da pynbait da ka District Administration, District Police wa ki waheh chnong.
Da kyntu leh ya ki paidbah wym toh u khuslai ki wa biang hi ki mar wei da pynkynmoo leh wa waroh ki thaw wa jooh pynman yaw u man hi ki kiwa khang hadooh wa pynmih hukum da kamwi.
Discussion about this post