Wow pyntikna wym thut i lai i wan ki kari ha ka sngi sdang ya ka lympung yalehke bol, ka 133rd Durand Cup 2024 ha ka 2 tarik u Naisaphar, neiliang u Superintendent of Police (SP) ka East Khasi Hills da pynbna u ya ki kyndon wow lai ki kari ha Shillong ha katai ka sngi.
Ym chah u psiah kari na Lumjingshai Junction cha CRPF Junction wa na Lumjingshai Junction cha Forest Colony. Ki kari u pynlai na Lawmali – Polo Market, deiwa lai na tidiang kamtæ ter ter.
U SP da kyrpaad u wymtoh u pynyieñ kari ha talawiar ka Polo nadooh 11:00 waje i step hadooh wa kut ka yalang sdang ya kani ka lympung. Da khang wow pynyieñ kari ha tymbud sarok na Golf Club cha CRPF Junction.
Chooh chooh da khang u lai ki Truck wa kiwi ki kari heh ha Polo ha kani ka sngi deiwa kyrpaad ya ki bru wow pynemkaam da ki kari kamai lada wan sakhi ki ya kani ka sngi.
Ki kari wa lait na kini ki kyndon toh kiwa em ya ki Car Pass wa ki kari wa emkaam jhan.
Discussion about this post