Jowai: Heiyatoh wa i niaw Vote yaka Election Lok Sabha 2019 ka wow pynman haka 23-05-2019 ha yung krehkaam u Deputy Commissioner, West Jaintia Hills, Jowai wei yow man ko leh kawa lai bait, u Superintendent of Police West Jaintia Hills da pynbna u wa u rukom khang yei i lai i wan ki bru wa ki kari daw em ki leteiñ.
Nyngkong dooh toh ki thaw mih thaw psiah cha yung krehkaam u DC, i wa ar won toh ki soodong ka yung krehkaam u DC wa le won toh ya ki le tylli ki Gate wa ye u psiah cha yung krehkaam u DC: Gate 1 (Kwa em hajan HDFC ATM, Gate II (DC point) wa Gate III (District Session Judge Office).
Du ki wakreh, ki kyrtong, Counting Agent wa kiwa em ya ki Pass wa e da ka yung krehkaam u Deputy Commissioner (Election) u chah u psiah chapoh ki thaw niaw Vote.
Daw em leh ki No Entry ya ki kari wa wan na Wah Nangbah wei ym chah u lai ki cheiliang ka yung krehkaam u DC, daw em leh ka No Entry ka wym chah ya ki kari wa wan neiliang ka H.K. Singh School wow lai ki cha yung krehkaam u DC, ym chah leh ya ki kari kamjooh ki paidbah kiwa wan na laad wow lai cha yung krehkaam u SP wow wan ki cha yung krehkaam u DC wei kamjooh ym chah leh ya ki kari wow lai ki naka sarok wa lai nadien ka yung krehkaam u DC yow poi cha Iawmusiang.
Kini ki No Entry u krehkaam ki nadooh ka 6:00 waje i step ka 23 tarik hadooh wa kut ka niaw Vote.
100 Meter ka soo dong ka yung krehkaam u DC daw ker kut ya ka wei daw ker hajan ka HDFC ATM, ka sarok wow lai cha Pohskur (Mission Compound) ha khmat ka yung krehkaam ka JHADC wa ha laad wow lai cha yung krehkaam u SP.
Discussion about this post