Jowai: 11 ngut wa kynthup ya u kyrtong MLA ka NPP u Tirong Aboh ha jylla Arunachal Pradesh da chah siat ki ha kiwa suba toh ki dkhot ka NSCN ha Bogapani wa em ha Tirap District, Arunachal Pradesh ynne i step heipor wa dang lait luti ki da ki kari heipor 11:30 i step. Kiwa chah siat kynthup leh ya kiwa ha yung ha sem u Tirong Aboh.
Deilang wa u Tirong Aboh da em leh u PSO yong oo uwa da chah siat lang.
U Tirong Aboh toh uwa chah jied kam u MLA naka Khonsa West Seat ha u snem 2014 wei katni dang yeiñ u wow yakhun MLA na kani ka jooh ka Constituency wei ka sngi niaw Vote toh kawa daw pynman ha kani ka 23 tarik.
U Union Minister of State for Home Affairs u Kiren Rijiju da pynsñiaw u yei sñiawsih ya ini wa jia ya u Tirong Aboh kamjooh kiwa ha yung ha sem kiwa dooh lang yei mynsien yong ki wei da kular u wow pynchitom joor ya kiwa emkti.
Neiliang u NPP National President u Conrad K Sangma da ong u wa ka Party NPP da sñiawsih wow tip yei dooh noh ko ya u MLA yong ka wa kiwa ha yung u wei da kyntu ya ka sorkar pyrdi wow chimkhia yow kem ya kiwa emkti.
Discussion about this post