I rukom pynlai wa i pynyieñ kari haka NH-7

Jowai: Kam chibynta yow pynsuk ya ka lai ka wan ki kari cha ka lympung NH-7 yow lait leh u thut i lai i wan ki paidbah, ynne ka sngi u Dy. SP (Traffic) ka West Jaiñtia Hills, Jowai da pynbna u ya i rukom pynlai wa ki thaw pynyieñ kari kiwa man kamni ha wah:

1. Ki thaw pynyieñ kari man ki kamni ha wah neibynta ki paidbah wa ki VIP.

A. Ya ki paidbah da booh 3 tylli ki thaw pynyieñ kari namo ki Parking Lot kiwa tip kam ki Parking- 1, 2 wa 3, kiwa em hajan ka Highwinds Dhaba haka Jowai Bypass kiwa jngai kamwa 200 meter na i thaw psiah cha ka thaw wa pynman yaka lympung wei da booh leh ki thaw booh ya ki thuk thuk. Yow lait na i sahkut ki kari, ha i bynta thaw psiah cha ka lympung, ki kari wa wan na Shillong ym chah ya ki wow pynhiar wei wow kit bru ha i thaw wow psiah cha ka lympung wei hap ki wow lai cha Parking 1, 2 & 3. Ki paidbah hadien wa dep ki wow booh kari hap lai ki da i kjat cha ka thaw pynman yaka NH-7.

B. Lada kini ki 3 tylli ki thaw booh kari dap ki, da pynkhreh leh kiwi ki thaw booh kari.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

C. Ki thaw booh kari ya ki VIP: Du ki kari VIP u chah wow psiah chapoh i thaw wa pynman yaka lympung, kawi toh na jan wa em i thaw dai Ticket wa kawi toh kawa lai na yung krehkaam ka BDO. Da em leh i thaw wa da booh kyrpang ya ki kari VIP wa da booh hajan ka thaw pynman yaka lympung.

2.Ym chah ya ki kari wow pynyieñ cha rood sarok wa cha ki thaw kiwa ye u pynwit yei lai i wan ki kari. Kiwa leh pyrchah daw chah pyndaiñ kuna ki.

3.Daw pynbiang boon ngut ki pulit yow pyntikna wa lai bait i pynlai kari kamjooh i booh kari ha ki Parking Lot.

4.Daw booh leh ya ki Police Booth yow pait bniah yei lai bait ki kaam.

5.Ki tre kari hap booh ki leh haka kari ha i thaw wa chynna kam haka yit kari ya i pyrtuid wa i number phone yow ye u pyntip cha ki lada emkaam wow kyrriah yaka kari yong ki.

6.Ya ki kari kiwa pynyieñ khlemakor daw chah taan chah rah ki ha ki Recovery Truck kiwa da booh kyrpang neibynta ini, wei ki tre kari hap ki wow su yaka bai taan wa ka bai kuna.

7.Da khang leh wow pynhær kari wei daw sylli leh ya i yah kari deiwa muaid.