U Deputy Commissioner (Supply) ka West Jaiñtia Hills hadien wa da pynbna yei pteiñ biang ka Curfew hapoh ka District hadooh ka 10 tarik uni u bnai, da pyntip u wa yow yoh laad kiwa chong chnong ka District u thied ki ya ki mar wa emkaam (Essential Commodities) wa man ka sngi da pynmih ya kini ki hukum ha wah:
Waroh ki dukan dai rachon (Fair Price Shop) kiwa em hapoh ka NFSA wa Non-NFSA u chah hi u wai ki man ka sngi nadooh ka 6 tarik uni u bnai deiwa wai dukan nadooh 9 waje i step hadooh 2 waje i sngi.
Ya ki dukan wa da dep jied wow wai ha Jowai kamjooh kiwi ki chong ki thaw ka District, u wai ki kamwa jooh haka sngi Monday, Wednesday wa Saturday nadooh 9 waje i step hadooh 2 waje i sngi. Kini ki dukan kiwa da jied wow wai ha ki jar jiar ki dorbar chnong toh kiwa dai khoo, jhoor, u soh, i doh, kiwa dai baam dih cha wa kiwi ki mar wa emkaam man ka sngi.
Ki waheh chnong deiwa ya krehlang waki pulit ka District toh u pyntikna ki wa waroh kini ki dukan u wai ki katkam ki kyndon wa da booh daka sorkar lyngba ka chnat Health & Family Welfare deiwa bood yaka Social Distancing namo u ya jngai uwi ya kawi.
Ki Distributor waki Wholesalers u chah yaki wow pynpoi ki yaki mar cha ki dukan wa da dep jied yow pyndap yeiwa emkaam ki dukan haka sngi Tuesday, Thursday wa Friday hapoh ka West Jaiñtia Hills District. Wei toh u booh ki yaka Daily Stock & Sale Register. Da pynkynmoo wa yaki thaw wa jooh pynman yaw u man hi ki kiwa khang.
Da pyntip leh wa biang hi i em ki mar kamtæ ym toh wow tieñsar lane wow khuslai.
Hawa lai thied toh u ya jngai ym duna chi meter uwi na kawi wei ym toh wow ya psiah waroh waroh ha kawi ka dukan namo i thaw.
Discussion about this post