15 49.0138 8.38624 1 0 4000 1 https://wyrta.com 300 0

I rukum pynlai kari wa thymme ha chnong Jowai

0 Comments
Advertisement ad1

Jowai: U SP ka West Jaiñtia Hills da pyntip paidbah u wa yow pynduna yei sahkut ki kari ha chong Jowai, da chim yaka rai wow pynkylla noh yei rukom lai kari ha Jowai ka wow krehkaam nadooh ka 02-12-19.

Da khang ya ki kari wa wan na Wahnangbah wow psiah ki cha Iawmusiang, wei kattu ka No Entry wow psiah ki kari wa wan neiliang Newhill cha Wahnangbah u pyndam noh ka.

Advertisement ad1

Neiliang u SP da ong u wa ini i psiah ki kari wa wan na Wahnangbah cha Iawmusiang da pynthut bha ko yei lai bait ki kari neidaw wa kut wa wan ki kari na Wahnangbah, ki kari wa lai cha DC Junction (Lad DC) da hap pynsangeh ki iwa wanrah yei sahkut ki kari.

Deiwa chah ya ki kari wa wan neiliang Newhill wow psiah cha Wahnangbah, daw e laad ya ki kari yow lai bait cha Wahnangbah wa cha Tpep-Pale.

Heiyatoh won waka sarok Tpep-Pale (Bye Pass), da chah ya ki kari khian (kiwa em du arngut hapoh) wow psiah ki na Tpep-Pale yow lai cha Pohskur-Lumkyrwiang-Iongpiah.

Yaka sarok Mission Compound (Pohskur) yow lai cha Iawmusiang u pynman noh ka kam ka Two-Way wei daw pyndooh noh yaka No-Entry yow lai cha DC Junction.

Heiyatoh won wa i pynyieñ kari, ym chah u pynyieñ kari ha waroh ar liang nadooh na DC Junction hadooh Mission Compound Junction (Lad Pohskur) wei u chah u pynyieñ kari du na liang tidiang deiwa kheiñ neiliang wa wan na DC Junction.

Ya ki kari kitmar wa ki kari ki bru samen wa man ki yong ki tre dukan kamjooh ki yong ki bru wa thied tiar ym chah ya ki wow sangeh wei wow pynhiar bru ha u sarok kamjooh wow pynieñ kari ha u sarok wa nadooh na laad DC hadooh i thaw wa em ka No Entry wow psiah cha Iawmusiang.

I pynhiar mar, i thap mar yong ki tre dukan wa em ha u sarok nadooh na laad DC hadooh i thaw wa em ka No Entry cha Iawmusiang u chah du chwa 6:30 i step wei hadien 8:00 waje i miet.

I thaw pynyieñ kari ya ki Jowai Local Taxi ha DC Junction toh du ha kitu ki thaw wa da dro da ki lain rong stem.

Kiwa tyngkheiñ ya ini ki hukum daw pynchitom yaki katkam ka aiñ.

Advertisement ad1

0 Comments

Leave a Reply