I sdang ka VPP wow pynbaad sa ya u Tymmen Wasan ym em de phær ko na ka BJP: Vincent Pala

U Vincent H Pala uwa man u President ka Meghalaya Pradesh Congress Committee (MPCC), da pyniasariem u yaka Voice of the People Party (VPP) waka Bharatiya Janata Party (BJP), neibhah i rukom klam yong ki toh du wow pynbaad bait ya kiwi wei du ki kiwa hok.

Hawa yatoh wa i pynbaad uwa yahkhmat ka VPP wa u Tymmen Wasan saam kiad u heipor Election, u Pala da ong u wa hap wow husiar hawa pynbaad ya kiwa yahkhmat neibhah ym man iwa bha wow klam kulmar.

Da ong u wa ka VPP da klam ko wa u Tymmen Wasan saam kiad u wei ini ye ko wow wanrah yei sñiaw ktah yaka Balang waroh kawi wei ya kam ini toh u pynsakhiat uyi utæ wa leh khnang wa ka Balang yow tip ko ya kam kitæ wa emkti.

Da ong chooh chooh u wa da ki snem wa chimpor wow jied ya ki Tymmen Wasan, wei u Tymmen Wasan toh u bru wa kreh chitom khlem da chim yaka tulop, wei wow pynbaad ya ki bru kiwa kreh chitom khlem chim tulop toh ka wym sñiaw yahaap, da pynrap u deiwa ong wa u pynbaad khlem da pynche pynyoo ko yei rukom pyrkhat yong ka VPP.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

I rukom pyrkhat ka BJP toh wow pynbaad ya kiwi ki Party wei du ka BJP kawa hok wei ka VPP leh i jooh, du ka kawa hok wei waroh kiwi kiwa tooh suda, wei kam kini ki jiat pynbaad wei rukom kam ym yahaap ha kani ka imlang sahlang khlem da ye u pynsakhiat.

Ha iwi i liang, u MP ka Shillong da ong wa u sñiawsuk wa mih ki seiñ thymme khnang wa ki paidbah u yoh ki u jied tangwa mar ya mih da sdang wow pynbaad khamtam yaka Balang daw ktah ko ha waroh kawi ka ri India, neibhah da sdang ki wow hiar thma ya ki Balang wei kini toh ki dak wa i dur yong ka BJP.