I slem wow pynbna yei pyrtuid ki kyrtong cha ka Election MP daw ktah bha i yaka Party, da ong u heh ka BJP uwa man leh kam u Montri ka sorkar jylla, u Alexander Hek Laloo.
Katkam wa man katni i pynkhreh ya ka Election MP da lai bha i chaphrang, heiwa kiwa boon ki seiñ da pynbna ki ya ki kyrtong yong ki lait na ka BJP kawa ympu pynbna ya i pyrtuid ki kyrtong ha Shillong wa Tura Constituency.
Da ong u wa ymye ki wow leh iwon iwon neibhah i rai chong i ha ki heh na ka seiñbei.
Chooh chooh da ong u wa ka yalang ki heh ka Party ha Delhi ympu em khut ki katwa kamtæ ymye de wow khana boon heiyatoh wa ki kyrtong.
Katkam ka khubor wa da mih, ki kyrtong ka BJP na Shillong ye ki u man u President warim ka Party hapoh ka jylla, u Ernest Marwrie, ka muktiar Supreme Court ka Fenela L Nonglait deilang wa u AL Hek uwa da dep ong wa smat u wow yaleh Election.
Na Tura won u MDC uwa man leh u BJP State Vice President, u Bernard Marak, uwa yaleh MLA ini wa dep na Songsak, u Thomas Marak wa u CEM warim ka GHADC u Boston Marak toh kiwa da mih pyrtuid.
Discussion about this post