Kani toh ka sñiawngooh na ka yung ka sem, ki payu, ki ksu ka (L) Kong Wiary Najiar kawa da khlaad ha ka 09-07-2023, wei i sñiawngooh lai ko cha phi waroh ki jan yung jan sem, ki paralok parajor, ki khon ki kti, kiwa ha-yung ha-sem kiwa na jan na jngai kiwa wan e mynsien ya i ha kam ini i por wa u lyoh wa doom da wan khah u ya ka yung ka sem ka yong i ha ka 9 tarik u Naiynñiaw uni u snem.
E i yei sñiawngooh ya ki jan yung jan sem, ki khon ki kti, kiwa ha-yung ha-sem kiwa da ya emlang wa i chirup nadooh wa tip ki yei khlaad hadooh wa pyndep yei niam yei rukom.
E sñiawngooh haroh i ya ka Loompyrdi Iongpiah kawa da yarap da ki tiar niam, tiar rukom wei da ya emlang wa ka yung ka sem yong i nadooh ka sngi khlaad hadooh ka sngi wa pyndep yei niam yei rukom.
E sñiawngooh haroh i ya ka Bei Seinraij Niamtre Jowai kawa da wan pyntngen ya ka yung ka sem ka yong i.
E sñgiawngooh haroh i ya ki Doctor ki Nurse, ki wakreh ka Super Care Hospital kiwa da e yei sumaar.
E sñiawngooh haroh i ya waroh ki lok ki jor kiwa najan na jngai kiwa wan e mynsien kiwa ya emlang chirup wa ka yung ka sem ka yong i.
E sñiawngooh haroh i ya ki MLA, nadooh u MLA ka Jowai, u Wailadmiki Shylla wa u MLA ka Umroi, u Damanbaitbha Lamare kiwa da ya emlang waka yung ka sem ka yong i kam heini i por.
Khublei chiboon yei emlang yong phi waroh wei ya ki kaam kiwa da yarap phi ya i. Ka yung ka sem yong i, ka kur Najiar ym ye de ko u su kylliang ya phi yei emlang i yong phi iwa da a bor e mynsien phi ya i waroh chi yung chi sem, e wa u Blai u emlang u chirup wa phi yow yoh phi dei chait dei khiah yow nang khyrkhu chooh chooh u ya phi waroh hawa im phi.
Na ki payu:
Ka Ribiang Najiar
U B. Paka Najiar
Ka Lajong Najiar
U Singh Najiar, wa na ki ksu waroh.
Discussion about this post