Ka Raliang Police Out Post da pynku kyrdan ka cha ka Raliang Police Station ynne ka sngi ha ka yalang wa emlang u Comingone Ymbon, Montri ka chnat Civil Defence &Home Guards deiwa emlang u C. Syrti, Superintendent of Police ka West Jaiñtia Hills.
Ya kani ka yalang da wan wow embyntalang wa kiwa mihkhmat ki chnong ka thaaiñ wa ki bru wa bna khmat.
U Comingone kam u kongsan hawa e yei klam da ong u wa ka sorkar da kreh chitom bha ko yow pynku kyrdan ya kani ka Out Post ymtoh neidaw wa ku ki kaam pyrchah aiñ tangwa yow pynyajan ya ki paidbah wa ki bor sorkar.
Da ong u leh wa kani toh ka sngi wow sahkynmoo ya ki paidbah neibhah ym hap de ki wow lai cha Jowai neibynta ki kaam wa yatoh waka aiñ.
Heiyatoh won wa i thaw wa da em kani ka Police Station iwa man iwa khian, da kyntu u cha ka dorbar chnong wow yarap ko wow pynyoh thaw da iwa biang neibynta kani ka Police Station.
Discussion about this post