theme-sticky-logo-alt
theme-logo-alt

I sñiawngooh na kiwa ha yung u (L) Ma Lakhon Lato

Advertisement ad1

I na ki khon ki kti, kamjooh na ka yung ka sem wa ki kur ki jait yong u pa yong i, u (L) Ma Lakhon Lato, dap i dei sñiawngooh ya phi waroh kiwa da ya emlang wa i neipor cheipor, khamtam ha kini ki sngi ha kawa i da em i hei sñiawsih sñiawdiaw neidaw i dooh noh yong i ya u pa, uwa man u chrot skit uwa kyrchaan, wa bah wa kit ya ka yung ka sem, uwa da pynheh pynsan ya i waroh, kamjooh uwa da hikai ya i yei maya para bru lyngba ki kaam wa bha ki yong oo.

Dap i dei sñiawngooh ya ki Doctor, ki Nurse wa ya kiwi kiwi kiwa yarap ya ki ha Woodland WK Hospital, Sabahmuswang, kamjooh leh ki yong ka Nazareth Hospital, Shillong kiwa da pait da sylli miet wei step, kiwa da chah chitom wow thooh ki laad katwa ye wa kot i bor yow sumaar ya u pa wa maya yong i.

Advertisement ad1

Ya ki jan yung jan sem, khamtam ya ki lok ki jor na ka kur Chyrmang, Ryngkhlem wa kiwi kiwi ki lok ki jor kiwa da ya emlang, kiwa da yarap bait ya i lada em i hei chitom hei saja lane hei sñiawbha hei kmen kamjooh.

Ya waroh ki lok ki jor najan na jngai kiwa da wan synran ya i heipor wa em u pa yong i hei chitom la ha yung næ ha Hospital, hadooh ka sngi wa da khlaad noh u na ka kani ka sla pyrthai, kamjooh hadooh wa da dep pyndep i ya ka niam ka rukom wa kiwi tawon ki kaam.

Ya phi kiwa ha yung ha sem wa ki kur yong i kiwa da wan nadooh na chnong Nongkynrih, na Saphai, wa na kiwi kiwi ki thaw wa sah wa chong phi.

Ka yung ka sem yong i dap ko leh dei sñiawngooh ya:

Ka Dr. Imanhaka Chyrmang

Ka Dr. Ruchika Lato

Ka Kitbok Talang

Ka Dorbar Chnong Dulong

Ka Kyntoit Pohhali (Dulong)

Ka Seng Rangbah CMC Tpep Pale Chiliangraij

Seng Samla Parish Jowai

U Fr. Hilarius Lamare

U Khynroo Kyntubai Passah

U Khynroo Rosario Dkhar

Ka Sei L’i Sap Choir wa ya kiwi waroh ki wym ye de i u khoh pyrtuid.

Lada em kiwon kiwon kiwa mylliñ i, sñiawbha ham boh ham sien yeini i tam i duna lada i ym kynmoo i u kynthup lang yei pyrtuid yong phi, tangwa i na ka yung ka sem da ksoh da kune i chirta wa im i yei lehbha leh sbun yong phi ya i. U kynmoo i ya phi hei duwai yow yoh phi dei chait i nang, i roi i paar ha waroh ki sngi wa daw wan.

Khublei chiboon.

Na ka yung ka sem wa ki khon ki kti, ki pyrsa kurim wa ki ksu.

Share this:
Previous

Khlaad noh u Tbn. NP Phawa

Next

Chah biang ka sorkar wow pynemkaam da ki sboh dawai hadien wa hiar ka rep ka riang