15 49.0138 8.38624 1 0 4000 1 https://wyrta.com 300 0

I stat man ye i wow wanrah yei kylla wei ka sorkar kheiñkor bha ko yeini: Conrad

0 Comments
Advertisement ad1

Shillong: U montri rangbah ka jylla, u Conrad K. Sangma ynne ka sngi da pynhiar pyrda u ya ka Diamond Jubilee Celebration ka Auxilium Girls’ Higher Secondary School, Nongthymmai, Shillong, hei emlang u montri ka puræ puthi u Lahkmen Rymbui, u MLA ka thaaiñ u C. Pyngrope, u DC ka District u P.S. Dkhar, wa kiwi kiwi.

U Conrad da ong u wa i stat man ye i wow wanrah yei kylla wei ka sorkar kheiñkor bha ko yei kordor yei puræ puthi wa paka wei ki khynroo wa em i stat man ki kiwa kordor hapoh ka jylla wa ka ri wei kiwa sikai emkaam wow yah ki ya ki ha ka luti wa miat wa bha.

Advertisement ad1

Da ong u leh wa i stat i tip ym chong i du ha ka skur tangwa man i iwa kær ya i talawiar neibhah hapoh skur emkaam wow pynwandur ya ka mynried ki khynnah wow man ki kiwa em i kitkhlieh ya ka jylla wa ka ri waroh kawi.

Da e yaroh u leh ya ki principal wa rim kamjooh leh wa katni wa kiwa sikai kiwa da kreh na mynsien wow e i stat i tip cha ki khynnah skur.

Chwa ini ka da wai ya ka School Management System da u C. Pyngrope, wei ha kani ka System daw booh daw pynlang ya ka yutip hajrong i rukom pynlai ya ka skur.

Ha kani ka sngi da pynlait leh ya ka Diamond Jubilee Souvenir wei da pynphooh ya ka sngi da ki chaad wa ki rwai.

Ka Sr. Joplin Suchiang, Principal, Auxilium Girls’ Higher Secondary School da e ko ya ki kyntien pdiang sñiawbha katwa ka Sr. Theresa Phawa, Vice Principal da e ko ya ki kyntien e khublei ha kani ka sngi.

0 Comments

Leave a Reply