Shillong: U Montri Rangbah ka jylla, u Conrad K Sangma da ong u wa ka sorkar jooh bichaar ko ya nong sngi yong kiwa mylla lyngba ka Wage Board man ka ynru bnai.
Hawa jubab yeiwa kylli u MLA ka North Shillong, u Adelbert Nongrum ha yung dorbar ynne ka sngi, u Conrad da ong u wa ka Wage Board Committee jooh chong yalang ko man ka ynru bnai wow bichaar ya i man i long ka yaaw ka haat ki dor ki mar ki mata wei i pynku ya ka nong-sngi leh da pynchong yurim katkam i long i man dor ki mar ha yaaw næ Consumer Price Index kawa yatoh wa ka Variable Dearness Allowance.
Hawa jubab yeiwa kylli wa pynrap wa da rah biang da u Adelbert, lada ka sorkar pynkrehkaam ko namo ym em ya ka yurim wow su katkam i kreh iwaa man leh katkam wa phah ka Supreme Court, neiliang u Conrad da ong u wa ya nong-sngi kiwa mylla ha ki tnat wym toh ki yong sorkar da pynemkaam katkam ka Minimum Wage Act 1948.
Discussion about this post