Ka Jaintia Revolutionary Council (JRC) da pysñiaw ko yei sñiawkhia wei i khyrngiat wa khroo yeiwa khlaad syndet u Dr. Ricky J. Syngkon uwa man kam u MP ka Lok Sabha ka Shillong Parliamentary Constituency.
Ka JRC da phah ko yei sñiawlem cha kiwa ha-yung ha-sem, kiwa emyatoh wa kiwa maya u Dr. Ricky Syngkon waroh.
Ka seiñ da ong ko wa i khlaad noh u MP man ko i dooh wa khroo ym du neibynta ka yung ka sem tangwa ha ka jylla Meghalaya waroh kawi.
U Dr. Ricky Syngkon toh u bru wa stat uwa em ka jabieñ wa che, uwa sikai (Academician) uwa minot wa uwa yahkhmat wa kit yei kyrmen ki paidbah cha ka thup kawa heh dooh ha ri ha ryngkat i lehkhian wa i rukom man wa hok.
I sur yong oo ha Parliament toh ka sur yong ki paidbah ka ri-loom Khasi-Jaiñtia, uwa pyrkhat yei bha i biang ka riti dustur wei ka History daw kynmoo ko ya oo.
Ha kam kini ki por wa sñiawsih, i yieñ i ryngkat wa ka yung ka sem yong oo wei duwai i wa u Blai u emlang wei e bor u ya waroh wow pdiang ya ini i dooh wa khroo.
E wa i mynsien yong oo u chong-ngiah i deiwa khooid wa chongsuk, pynkut ka khubor na u Leoferdinand Suiam, President ka Jaintia Revolutionary Council (JRC).
Discussion about this post