I thmu toh wow dung ya ka CM ka Delhi da ka tari

U Rajesh Khimji uwa thaab ya ka Chief Minister ka Delhi, ka Rekha Gupta, hawa takit ki pulit ya oo da phla u wa thmu u wow dung ka da ka tari tangwa nei boon ki pulit da pynartatien i oo. 

Ka Rekha da chah thaab ko ha u Rajesh heipor wa pynman ya ka Jan Sunvai namo ka Public Hearing ha i yung ko ha Delhi heiwa u Rajesh da rah u ya ki kot ki sla wei da tia u chajan ko chwa wow thaab ka.

U Rajesh toh uwa na Rajkot, Rajasthan wei da rai u wow thaab ya ka Rekha hadien wa kyntait ko u ong iwon iwon hajrong i rai ka Supreme Court heiyatoh wa ki ksaw sarok.

Ha ka 11 tarik uni u bnai ka Supreme Court ka India da phah ko wow kem wei wow kyrriah noh ya ki ksaw sarok na Delhi-NCR wei ha ka 22 tarik nawon da pynjem ko ya kani ka hukum.

U Rajesh da ong u wa da mut chwa u wow lai cha Supreme Court wow pyrchah ya i hukum heiyatoh wa ki ksaw sarok tangwa nei boon ki bor pulit da rai won u wow lai cha yung sah ka Rekha ha Shalimar Bagh.

Related posts

Na ki 101 tylli ki DCLP School, 14 tylli pyndep Inspection ka JHADC ha u 2025-26

March 19, 2026

Hadien wa chah kylli takit hapoh dorbar, yieñ u CEM wow ong wa daw thung noh ya ka Environment Committee ka JHADC

March 19, 2026

Da phla u wa da thmu u wow dung ya ka Rekha da ka tari tangwa manda yoo u ya ki pulit da noh u ya ka tari wa rah u. 

Chooh chooh ki pulit da kem ki ya uwi u lok u Rajesh wa tip kam u Tahseen Syed na Rajkot wow takit ya oo khamtam hadien wa phah poisa u ya u Rajesh Rs. 2,000.