Rs. 500 booh dor ka JHADC wow chim ki Dolloi kam ka bai NOC, Land Holding wa Patta, ymtoh u chim palat dor

Ka MDC ka VPP, ka Laiawanlamjinghun Khynriam ynne ka sngi da kylli ko ha dorbar ka JHADC yei dor wa chah ya ki Dolloi wow chim ki hawa e NOC, hawa leh Land Holding Certificate wa Patta.

Hawa jubab yeini, u CEM, u Thombor Shiwat da ong u wa katkam ka hukum wa pynmih ha ka 13-09-24 da chah ya ki Dolloi wow chim ki Rs. 500 neibynta ka LHC wa Patta wa thymme wei Rs. 300 hawa pynkylla pyrtuid, pynheh wei pynbait ya kini ki kot.

Hajrong ini i jubab, ka Laiawanlamjinghun da ong ko wa em ki Dolloi wa chim palat bar yeini wei da kyrpaad ko ya u CEM wow chimkhia yeini.

Hawa pynrap yeini, u Andrew Shullai da ong u wa ood ki paidbah wa yaleh ya ki kot thaw heiwa u Thombor leh da ong u wa da sñiaw u yeini tangwa emkaam u em ki sabut wa biang wow pynsakhiat wa leh ki Dolloi kamtæ.

Related posts

Pynkylla ka sorkar ya ki ar tylli ki sngi chuti uni u bnai

October 5, 2026

U yoh ki koidi wa em ha District Prison Jowai da ki Skill Training

October 5, 2026

U Thombor da ong u wa boonsien hawa klam ya ki Dolloi hajrong ini i chah pynbaad da kyntait bait ki wei neiliang u Andrew da tyrwa noh u wow e ki Dolloi da ki Receipt.