U Chief Minister ka Meghalaya, u Conrad K Sangma ynne da ong u wa i jop yeiwa dawa wa sahteiñ wa kynthup ya i tipmit ya ka ktien Khasi wa Garo toh i jop yong ki paidbah ka Meghalaya wei ymtoh yong kawon kawon ka Party lada jia i.
Ini i kalm u wan i hadien wa ki 8 ngit ki MLA ka United Democratic Party (UDP) da psiah ki cha ka BJP ha New Delhi ynne ka sngi iwa pynman wow ku i boon paaid ka BJP ha Assembly cha ka 10 ngut.
Kam wow kdaw heini kini ki 8 ngut da khana ki wa i daw wow psiah cha ka BJP toh wow yoh i tipmit ya ka ktien Khasi wa Garo, i kaam tih mooyong, i pynkrehkaam ya ka Meghalaya Residents Safety and Security Act wa kiwi.
U Cornad da ong u wa waroh da embynta ki ha ini i kaam wei ympu che yei rai khaddooh ka sorkar pyrdi.
Da pynrap u leh wa i tipmit ya ka ktien Khasi wa Garo ym chong i ha ka BJP næ ka NPP, tangwa toh i jop ya ki paidbah ka jylla waroh kawi.
Yeini i jooh leh da ong u heiyatoh wa u mooyong heiwa ka sorkar da yaleh mukotduma ko ha ka Supreme Court wei da jop tangwa ki kyndon wa da booh wow bood ya ka MMDR Act da man ko kawa khor wei kattæ i yaleh wow pynkylla ya ki kyndon dang lai ko chakhmat.
Discussion about this post