Ka Mahadev Khola Welfare and Trust da beiñ ko ya kawi ka seiñbhalang wa kam wa kiwa ha-yung u Pandit ha ka Mahadev Khola Dham toh kiwa sah tooh wei kiwa kyntoor pood, deiwa kyrpaad ya ka sorkar Meghalaya wow pynche hajrong ini.
Kani ka thaw em ko ha Lower Lawsohtun, Shillong, wei neiliang ka Trust da ong ko wa kini ki yung toh kiwa hiar pateiñ ki khon u Pandit warim, u Shiv Narayan Mishra, kiwa da pyndep ya ki lehniam wei sumaar ya ka Mahadev Mandir da boon pateiñ.
Da ki wa kini ki manyung da im ki ha kini ki thaw nadooh chwa i laitlooid ka ri wa i man jylla ka Meghalaya.
Chooh chooh da ong wa i pynbaad wa ki toh kiwa kyntoor pood man i iwa bakla wei iwa ktah yei burom kini ki manyung deiwa pynrap wa ka Mahadev Khola Dham toh ka thaw wa kyntang ymtoh ka thaw wow beiñ u pynbaad neibhah ini daw ktah i yei sñiaw ki ngait niam Hindu.
Ka Trust da ong ko wa ini toh i burom kini ki yung wei emkaam wow pynneh yeini khnang wow yada ya ka Mandir neibynta ki pateiñ wow wan.
Da kyrpaad ko leh ya ka sorkar wow tipmit ya ka Mahadev Khola Dham kam ka thaw mane blai wa emkaam wow em ki bor yada wei wow pyntikna wym thut i mane blai ha ini i thaw.
Discussion about this post