I wan ka Cyclone Remal da pynthut bha ko ya kiwa chong chnong ka thaaiñ khappood ka East Jaiñtia Hills District wei yeini da sakhi ha kawi ka yingkieñ kawa da rim bha wa em ha ka Wah Lukha kawa em ha ka chnong Borsara heiwa kiwa chong chnong ka thaaiñ chiliang wah wa kynthup nadooh Huroi, Lailong, Lahalein, Lejri, Borsara wa kiwi kiwi de kiwa pynemkaam man-i-por da kani ka yingkieñ da chem chitom bha ki khamtam ha ki bnai lyiur yow lai cha ki yaaw ki haat, yow lai su lai thooh dawai wei kamjooh yow lai cha Umkiang, Silchar, Ladrymbai, Khliehriat, Jowai, Shillong wa cha kiwi de ki thaw ka jylla.
Ini i eh da maad leh da ki khynnah skur kiwa hap wow chem yeini khamtam ha kini ki por wa hap ki wow lai thooh thaw puræ neibynta ka puræ puthi wa rap chakhmat.
Kamtæ neiliang ka KSU Lejri Unit dap ko dei sñiawkhia ya ini neibhah kani ka yingkieñ toh kawa da jæd da pai ka wym chngaaiñ de u lai u wan wei deiwa wan kani ka Cyclone da joor i chah pynsih ko.
Kamtæ da kyrpaad ya ki bor sorkar bor District wow leh ki iyi iyi chwa wow jia iwon iwon wa sñiawsih deiwa phah ya ki bru wow pait yei long i man kani ka yingkieñ.
Discussion about this post