U President ka Hill State People’s Democratic Party (HSPDP), u KP Pangniang da ong u wa i wan psiah ka All India Trinamool Congress (AITC) ha ka jylla Meghalaya ym ktah ko ya ka HSPDP kawa man ka Party ki tre ri wa da rim bha ha ka jylla.
Da ong u wa i wan ki National Party cha ka jylla da man i kyrkhu ya ki seiñ ri-loom neibhah waroh chi kattu da em ki kyntien wa ong wa ki seiñ ri-loom khian ki neidaw i yapiah, tangwa katni ki seiñ ri-loom yakrehlang ki ha kiwa boon ki bynta.
U Pangiang da ong u leh wa i yatyrrah hapyrdi ki National Party daw man ko kam ka kabu ksiar ya ki seiñ ri-loom, heiwa da kyntu u ya ki paidbah wow elaad ya ki Party ri-loom kiwa yieñ ha ka yurim.
Hawa kylli, u Pangniang da ong u wow yatylli ki seiñ ri-loom du ha kawi ka lama dang man ko kawa eh ya katni chipor, tangwa da pynsñiaw u leh wa ka HSPDP kwah ko wow tyrwa wow yakrehlang kam ka seiñ ri-loom kamwa ka Party yakrehlang ko wa ka United Democratic Party ha ka Regional Democratic Alliance.
