Hadien wa sdang i yakhih ha Tinsukia District ka jylla Assam da ki jaitbru Moran wow dawa tipmit kam ki ST, neiliang u Chief Minister ka jylla, u Dr. Himanta Biswa Sarma da ong u wa i yakhih ym man i ka luti wa toh u leh.
Da ong u wa i yakhih pynslem donhi i wow yoh yeiwa da dawa.
Ha ki sngi wa dadep ka All Moran Students’ Union (AMSU) da pynman ko yei yakhih wow dawa tipmit ya ki jaitbru ri-loom Moran kam ki ST deiwa khang luti ya ki sarok iwa da wanrah yei sahkut ki spah tylli ki Truck ha Makum-Forland Road.
U Himanta da ong u wa da em 6 tylli ki jaitbru wa da booh wow pyrkhat ha ka Dorbar (Session) wow tipmit ya ki kam ki ST wei emkaam u man ki kiwa yaichah.
Lada ym hun ki ye ki wow yakhih wei ini ym man i ka luti wa biang lait nei yaklam donhi, da ong u Himanta.
Ka jaitbru Moran ong ki wa i wym tipmit ya ki kam ki ST man i pyrchah ya i man kyrpang ki kamjooh i kyntait wow yoh ki ya ki kaam pynroi.
Ki jaitbru Moran toh kiwa sah ha Assam wa Arunachal Pradesh wei em ki kamwa 1 lak ngut ha Assam wa kamwa 30,000 ngut ha Arunachal Pradesh.
Discussion about this post