I yakhih toh wow dawa yei hok khnang wow pyndap ya u kpoh wa ka yung ka sem, ong ka manbei na Tuber Kmaichnong

Ynne ka sngi i yakhih ka MCTODA da pteiñ i ha Mawryngkneng deiwa jai-jai tangwa ha ka 5 tarik i step synyaaw wa ynne i step ka 6 tarik da mih i awri nei wan ki pulit ka jylla ha i thaw yakhih.

Hawa yaklam wa kawi ka manbei na Tuber Kmaichnong kawa man leh ka dkhot ka MCTODA ka Yooka Dkhar da ong ko wa nadooh ka 27 tarik i yakhih yong ki da man iwa jai-jai kat hadooh ynne ka sngi.

Da ong ko wa i yakhih toh wow dawa yei hok yong ki khnang wow ye ki u ye u pyndap pynbiang yeiwa emkaam ha yung ha sem wa i lai i wan wot ya ki khon ki kti ki ha i puræ puthi yong ki leh kamjooh.

Related posts

Heipor wa e sikai pynemkaam JCB pynchna syndon ya ka luti yongrim wa jooh lai ki syiem na Jaiñtiapur cha Nartiang

November 6, 2026

Yoh ki ar tylli ki thaw sumaar ka West Jaiñtia Hills yei tipmit na ka National Quality Assurance Standards

November 6, 2026

Chooh chooh da ong ko leh wa ka sorkar wa katni ym em u miat ko ya ki paidbah, deiwa pynrap, “Lada ka sorkar kawa miat wa khooid ya ki paidbah tæ ympoi hadooh uni u pood i yakhih, toh u em i suk ha i khih i kreh”.

Heijooh i por da ban joor ko wa i yakhih yong ki toh wow dawa yei hok khnang wow pyndap ya u kpoh ha yung.