Heiyatoh wa i yakhun Bye Election MP na Shillong Lok Sabha Constituency da u Dr. DRL Nonglait, neilang ka Khasi Authors’ Society (KAS) da pynche ko wa i kwah u wow yakhun Election na ka NPP toh i sñiaw samen khlem emyatoh wa ka KAS.
U General Secretary ka seiñ, u Dr. RP Kharshiing da pynche u yeini hadien wa mih i beiñ kamjooh i chah pynbaad ka KAS heiyatoh wa i yakhun Election u Dr. Nonglait.
“Ka KAS toh ka seiñ kiwa thoh kot Khasi wa kynthup ya ki bru na kylleiñ wei jar jiar i bor hajrong ka thong wow pynku wei pynneh ya ka ktien Khasi”, da ong u Kharshiing.
Da ong u leh wa ki dkhot ka seiñ kynthup ko leh ya ki MP, MLA, MDC kamjooh ki Chief Minister warim wa ki Chief Executive Member ka District Council wa ki heh niam wa ki khlieh synchaar.
Chooh chooh da ong u wa ka Society kynthup ko ya ki Doctor, ki muktiar, kiwa sikai skur, ki College, ki skurbah, kiwa khih samen wa kiwi.
U Kharshiing da ong u leh wa ka KAS ym em bynta ko hei wow yakhun Election u Dr. Nonglait wei i chah beiñ toh du kiwa ymtip kammon kreh ka seiñ.
Discussion about this post