U Montri Rangbah ka jylla, u Conrad Kongal Sangma da ong u wa ka phang wow klam yasuk wa ka seiñ Hynniewtrep National Liberation Council (HNLC) toh kawa kyllaiñ, wei neiliang ka sorkar jylla katwa yohlaad daw pyrchang ko u yaklam wa u Montri ki kaam pohyung ka India, u Amit Shah.
Da ong u wa ka phang wa yatoh wa ka HNLC toh kawa hap wow yaklam, wei man iwa eh wow khana lut ya iyi iwa da yaklam ha man ki yalang neibhah emkaam boon i yaklam, wei daw emkaam leh i yachem.
Ha ka 29 tarik uni u bnai u Amit Shah da khut yaklam u ya ki ar ngut ki Montri Rangbah hajrong ki kaam pynbait pood, wei neiliang u Conrad da ong u wa lada yohlaad daw yaklam u leh hajrong i kwah ka HNLC wow poi cha i klam yasuk, tangwa da ong u wa ymye wow yooluti lada ye u pynbait næ pyndep noh du ha i yachem ha ka tayaw wow wan.
