March 24, 2022
Advertisement
U MLA ka United Democratic Party (UDP) na Khliehriat uwa man leh u Montri ha ka sorkar, u Kyrmen Shylla da ong u wa ha kawon kawon ka Election hawa em i yaleh pyrchah arliang, ym ye wow kheiñstiñ neibhah toh ka yakhun wa ki paidbah daw sakhi ki da ki kaam.
Da ong u wa ki paidbah daw bichaar ki ha kini ki 5 iwa da leh u, wa ha ki 10 snem iyi leh u Nehlang Lyngdoh, wei da pynrap u wa ngait skem u wa ki paidbah kamwa da e laad ki ya oo kam u khynroo dei chaniah, daw e laad biang ki ya oo ha ka Election wow wan, neibhah ki paidbah ki sñiawthooh ki wa uwon uwon uwa mihkhmat ym ye u wow pyndep lut ya ki kaam du hapoh 5 snem.
Hajrong i kam yong u Nehlang wa oo da ekti u yei kaam ha ki khynroo tangwa ki ym em leh ki iy iyi, u Kyrmen da ong u wa ini i klam yong u Nehlang man ko kawa bakla, neibhah ym toh iwa e da uwi u bru tangwa iwa dei chaniah yong ki paidbah ya kiwa mihkhmat wow chakri. Da ong chooh chooh wa ym toh wa da e da u Nehlang ya oo lane ya u MLA warim, u Justine Dkhar wow man MLA, tangwa toh ki paidbah wa da e yei chaniah, wei da pynsñiaw u yei kyrmen wa ki paidbah ym elaad ki ya ini wa da kam wa da e du da uwi u bru wow man uwa mihkhmat.
U MLA ka Khliehriat da ong chooh chooh u wa i klam yong u Nehlang wym em i roi i paar hapoh ka Constituency, ye u man wa em ki kaam wa da thmu da u Nehlang kiwa dang sahteiñ wei da kyntu u wa lada ye wow khana kiyi kitæ ki kaam yow leh u iyi iyi kam u MLA.
U Kyrmen da ong u leh wa kam uwa mihkhmat da pyrchang u wow pyndep ya kiwa boon ki kaam wa sahteiñ, kamtæ da ong u boi em ki kaam wa u Nehlang dang kwah u wow leh lane wow pyndep ya kiwa oo kam u MLA ym tip u, wei i ong wym em ki kaam pynroi ha kini ki soo snem man ko kawa bakla, deiwa ong wa daw poi i por wa daw e u ya ka bui (Report) cha ki paidbah hajrong ki kaam wa da la leh u ha ki 5 snem.
