15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

I yalang pynche hajrong ka Cyber crime

0 Comments

Jowai : Ka ophis ka State Child Protection Society chirup i krehlang wa ka District Child Protection Unit Jowai, hapoh ka Integreted Child Protection Scheme, Social Welfare haka 15 tarik u bnai da pynman ki ya i pynche hajrong ka Social Networking wa ka Cyber Crime ha indoor hall ka Chutwakhu.

Ha kani ka e pynche hajrong ka Social Networking wa ka Cyber Crime da wan ap wan sñiaw da ki khynnah skur, ki wa sikai na ki skur waphær waphær ka chnong Jowai heiwa u FS Sangma Principle Magistrate,  Juvenile Justice Board da man u kam u kongsan.

U kongsan hei klam da ong u waroh emkaam i yaka social networking neibhah wa man ko kawa e myntoi ha kiwa boon ki liang, wei boonsien kwah i u tip u pynemkaam ya kiwon kiwon ki kaam wa thymme, tangwa da kyntu u wow man ki kiwa syndong hei yachem lok lyngba ka Facebook, email, WhatsApp wa kiwi kiwi ki social network khamtam kitu ki wym tipmit neibhah jooh chim kabu ki deiwa tooh yaki dur yow dai sarom lym ngait yei wa hukum ki, tooh ki yaka personal details yow yoh ki u thok chukor.

cybercrime1

Da yoh leh i klam hajrong ka phang Social Networking and Cyber crime na arngut ki bru chemphang wa kynthup ya u A. Phawa Sub Inspector Cyber Crime Wing CID  wa u Sub Inspector, D. Marak.

U A. Phawa da batai u ya kiwa boon ki jait chah thok wa ki bru yatakhooh ki lyngba ka Facebook, email, WhatsApp, na ki kreh online, i yoh ya ki phone call na ki bru thok wa kiwi, heijooh i por leh da khana u ya kattu katni tylli ki parom wa kammon ki bru yong i ngat ki ha kini ki jait thok waphær waphær.

Da kyntu u wym hoi u e ya ki bru wym tipmit kiwa phone næ paan yutip chaphang ki account number, paan ya u PIN ATM, næ phah thap poisa ha ki account yong ki deiwa kular u e kreh, u phah tiar wa kiwi kiwi.

Da  khana u leh waka cyber crime hapoh ka jylla nangku ko kat nanglai ki snem heiwa katkam ka yutip wa yoh nadooh u snem 2010 hadooh u snem 2016 da em kamwa 236 tylli ki case cyber crime, da ong leh wa dang boon ki wym em u pyntip ki cha ki bor ka aiñ.

U D. Marak da batai u hajrong kammon u chna ya ka privacy setting haka account Facebook yow lait naki bru thok, da ong u leh wow man ki kiwa syndong hawa install ya kiwon kiwon ki software ha ki phone neibhah katni ki phone android haap bait u chna email yow hoi u pynemkaam internet, wa kiwi kiwi.

Ya ka yalang ha kani ka sngi da pyllai da ka K.E. Nongpuir, Programe Officer State Child Protection Society Shillong, yei ktien e khublei da yoh naka kong R.D. Kynjin, District Child Protection Officer.

Previous
Next

0 Comments

Leave a Reply