Ka BJP Meghalaya da ong ko wa i yap u Dilseng M Sangma ha West Garo Hills hadien wa chah dat ha ki bru wa tih ya ki mar pohkhyndaw pyrchah ya ka aiñ da pynkhyrngiat ko ya uwi pa uwi uwa chong chnong ka jylla hadooh wym sñiaw ye ngait de yeiwa jia.
Da ong leh wa ka BJP Meghalaya da yaam bru ko yeini wa chah chim i mynsien wa dang khynroo ha i rukom wa sñiaw chyrkhei deiwa ong leh wa uni u bru uwa man kam ka jaitbru Garo toh kiwa da e chiboon neibynta ka jylla i wym ye de u kheiñ.
Chooh chooh da ong wa ini wa jia da mih biang chakhmat yei maa manda em kiwa tih ya ki mar pohkhyndaw pyrchah aiñ ha Meghalaya najrong boon kiwa dadep jia wa sñiawsih kiwa da jia neipor cheipor. Ka jylla da yoo kam ini nadooh iwa jia ha Jaiñtia Hills wa Khasi Hills wei sa ini wa jia ha Garo Hills da kynton ma kynton ya kini ki kaam pyrchah aiñ wei i dooh yei mynsien bru leh da nang ku, kamtæ da emkaam noh wow pyndooh pyndam ya ini.
Da dawa leh wow pynchitom deiwa khor bha ya kini ki bru wa emkti ha kini ki kaam, deiwa kyntu leh ya u Chief Minister wa ha kani ka kynti ymtoh u kut du hei wow kem ya ki kattu katni wei wow takit bniah yei tih mar pohkhyndaw pyrchah aiñ ha waroh kawi ka jylla yow pyndooh pyndam noh ya ini waroh wei waroh kiwa emkti wow pynchitom ki katkam ka aiñ lym kamtæ ki umkhmat daw pteiñ i wow joo na ki khmat ki manbei wa em ha Meghalaya.
Discussion about this post