Jowai: Kani ka khubor man ko kawa booh yei ma iwa khroo ya ki mynsien bru hapoh ka chnong Mihmynydu khamtam ha Khliehchnong wa ha Lumchyramang, heiwa da em hadooh kamwa 10 tylli ki naar chrot light kiwa da jan kheiñ neidaw wa da sap sarah ki wei ka MeECL ieh hi-eh ka ki khlem kylliang.
Heiyatoh weini u President ka Jaiñtia People Youth Movement (JPYM) u Tenstarly Shylla da ong u ini i ieh khlem akor ki bor wa pait ka Meghalaya Energy Cooperation Limited (MeECL) ya kini ki chrot light kiwa da jan tkut jan kheiñ da booh ki yei ma ya ki mynsien wa boon khamtam kiwa em hajan yung paidbah kamtæ ka seiñ da dawa ko na kani ka tnat wa da toh u kylliang noh bran bran ya kini ki chrot light.
Ka seiñ da kyntu ko leh ya kani ka office wow kylliang noh khlem pynslem ya kini ki chrot light yow lait na iwon iwon i jia wa sñiawsih.
Discussion about this post