15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Kular u ma Thombor wow chimkhia yei dawa ka KSU hadien wa psiah ki deibor cha kamra u

0 Comments
Advertisement ad1
Advertisement ad1

Jowai : Ynne ka sngi ki wa kitkaam ka KSU Jaiñtia Hills District Unit da lai yachem ki wa u CEM ka JHADC u ma Thombor Shiwat wow dawa wow pynkylla pyrtuid noh ya ka thanat thymme kawa em ha chnong Lakadong ya kawa da e pyrtuid kam ka Lad Lakadong Police Outpost heithaw wow e du Lakadong Police Outpost.

Ka seiñ da kam ko wa ini i thmu ka tnat Lakadong Unit wow yachem wa u CEM da man i iwa sepai wa da wan ki boonsien cha Jowai tangwa u CEM kyntait u wow yachem wa ki neidaw wa boonkaam u.

Advertisement ad1
Advertisement ad1

Ynne ka tnat yong ka seiñ chirup wa ka KSU Jaiñtia Hills District Unit ya kawa da yahkhmat da u Finance Secretary u N. Sutnga chirup wa ki dkhot ka seiñ da psiah ko deibor cha kamra u CEM neidaw wa da phah yang slem u CEM ki kamjooh wa dei langær jooh kyntait u wow yachem wa ka seiñ.

Ha ini i yachem neiliang u CEM da kular u wow chimkhia ya ini i mat dawa ka seiñ.

Heijooh i por ka seiñ da pyntip ko leh wa ynne ka sngi dap ko dei chrai neibhah da boonsien u CEM kyntait u wow yachem wa ka katwa ynne da psiah ki dei bor wow yachem wa oo hei yatoh weini. Da kyntu ko leh na oo wa ymhoi u kyntait hieh u wow yachem wa ki seiñbhalang, neibhah ki leh kreh ki neibynta i bha i miat.

Share this:
Previous

Ieh ka MeECL da ki phaw tylli ki chrot light ha Mihmyntdu khlem kylliang

Next

E sikai ki pulit sa ya ki khynnah ka KNGC