theme-sticky-logo-alt
theme-logo-alt
Advertisement ad1
Advertisement ad1

Ieh ki paidbah da i jhep hakhmat ka yung krehkaam u DC, Jowai deiwa maham wow pynjoor yei yakhih

Advertisement ad1
Advertisement ad1

Hadien wa sahteiñ i jhep ha Jowai wa iwa ymye ka Jowai Municipal Board wow wan kit jhep, ynne ka sngi ka Dorbar Chnong Tympang Iawmusiang da pynman ko ya i yakhih deiwa lai paidbah ha talawiar ka Iawmusiang.

Ha ini lai paidbah da chimbynta da kiwa chong-dai ha Iawmusiang, ki seiñ kamai kari, ki tre chnong wa kiwi kiwi. 

Advertisement ad1

Hachwa ini i lai paidbah da em ka yalang haphrang ka Yung Club ka Iawmusiang wei da pynman ya i lai paidbah chadooh cha Police Point, neitæ cha Stand War wa neitæ won da pynkut ya i lai paidbah haphrang ka Gate wow psiah cha yung krehkaam u Deputy Commissioner ka District wei da pynbood won ya i noh jhep ha ini i thaw kam ka dak wow pyrchah wei wow beiñ ya ka sorkar. 

Ha ini i lai paidbah da rai ya ki Banner wa da thoh kyntien wow beiñ ya ka sorkar wa i dawa wow im deiwa yoh yei khooid i jngiar wa ka Swachh Bharat. 

Hadien ini i lai paidbah hawa yaklam wa u Waheh Chnong ka Tympang Iawmusiang, u Eddystone Shylla da ong u wa ini i lai paidbah man i kam ka dak wow pyrchah ya i wym mano ka sorkar wow ap yei dawa wa i wym wan kit de ya i jhep na Iawmusiang wa na ki yung ki sem. 

Da ong wa lada ym kit ya i jhep hadooh mynstep i step 9:00, neiliang yong ki daw pynman ki da i chong kyllaiñ myngngor ha i thaw wa em i jhep nadooh 11:00 waje i step hadooh 5:00 waje i janmiet.

Share this:
Previous

I sñiawngooh na kiwa ha yung u (L) Tbn O.U. Lyngdoh

Next

Ar sngi boon biang da kiwa dang yoh COVID-19 ha Meghalaya