Ieh noh u Ivanlumlang Marbaniang kam u President ka PDF

Shillong: Ka People’s Democratic Front (PDF) ha ka yalang yong ka Central Executive Committee (CEC) kawa pynman haka 11 tarik uni u bnai da mynjur ko ya ka tyrwa yong u President ka Party, u Ivanlumlang Marbaniang wow iehnoh ya ka kaam President deiwa e kti cha u Banteidor Lyngdoh uwa man u MLA wa u Montri ha ka sorkar jylla wow chimti kam u President wa chipor (Acting) hadooh wa pynman yaka General Council ha u snem wow wan.

U Marbaniang da ksoh u kam u President ka PDF la kamwa 3 snem duna nadooh wa seiñ ya kani ka Party wei hapoh yong oo, ka PDF da yoh ko 4 ngut ki MLA ha ka Election 2018, wei ar ngut na kini ki MLA da yoh ki leh ya ka chuki Montri ha ka sorkar Meghalaya Democratic Alliance (MDA) wa yahkhmat da ka NPP.

Hawa klam cha ki laad pathai khubor ynne ka sngi, u Ivanlumlang da pyntip u wa da iehnoh u ka kaam kam u President wei ym toh wa chah pynbor næ chah hukum ha kiwon kiwon wei man bait ko i mon sñiawbha yong oo.

“I eh noh yong nga kam u President ym da kawi ka pyrkhat, ka chah pynbor næ ka yaphær yumut, watoh wa em O i sñiawkhia wa i kit khlieh neibynta ka Party, wei wow pynkhlan ya ka Party, nga sñiaw O wa da toh wow e kti ya kani ka kaam cha kiwi wow kitlang,” da ong u Marbaniang.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

U Marbaniang da ong u wa i ieh noh yong oo kam u President ym em mut wa da ieh ya ka Party wei u krehlang u deiwa sñiawthooh yumut. “Nga da emlang O heini yow pynsakhiat wa nga emlang O waka Party. Ka Party da pynkit ko ha nga ya ka kaam chairman neibynta wow ya krehlang wow pynkhlan chooh chooh ya ka Party,” da pynrap u.

Neiliang u Working President ka PDF, u Hamletson Dohling da ong u wa i eh noh u Marbaniang ya ka kaam President man ko wym poi pyrkhat neidaw wa man u uwa biang wow yahkhmat ka ka Party, tangwa manda batai ya ka daw ka CEC da pdiang ko ya kani ka rai.

“I daw wa u Ivan da rai u wow ieh noh ya ka kaam President toh neidaw wa em kiwi won ki kaam kiwa khia nalor ki kaam yung yong oo, hadien ka ya phyllu wa jrong wei da sñiaw wa emkaam wow burom ya kani ka rai yong oo,” da ong u Dohling.