theme-sticky-logo-alt
theme-logo-alt

Pynkhlan ka BJP ya ki 4 Mandal ka party ha EJH wa EKH

Jowai: Ka Bharatiya Janata Party (BJP) hapoh ka jylla ha kini ki ar sngi da pynkhlan ko ya ka seiñ ha ki soo tylli ki Mandal namo ki Constituency kiwa em hapoh ka Ri-loom Khasi Jaiñtia.

Kini ki Mandal kynthup ki ya ka 5-Sutnga Saipung, 6-Khliehriat, ka 14-Pynthorumkhrah wa ka 21-Nongthymmai Mandal.

Ynnin ka 11 tarik, da sdang ya ka 5-Sutnga Saipung Mandal Committee ha ka yalang wa man ha yung krehkaam ka Party ha Khliehriat heiwa da emlang leh u Vice President, u David Kharsati wei da jied ya u Krison Langstang kam u Mandal President.

Ynne ka 12 tarik won, da pynthymme ya kiwa kitkaam ka Khliehriat Mandal hei sakhi u BJP State President, u Shibun Lyngdoh, u President ka BJP East Jaiñtia Hills, u Herlington Shadap wa kiwi kiwi.

Kiwa kitkaam ka Mandal kynthup ki ya u Commanderful Sana kam u Mandal President, u Forest Lyngdoh kam u Vice President, u Sakhiat Dkhar kam u Secretary, u Saian Dkhar kam u Asst. Secretary wa u Emland Lyngdoh kam u Treasurer.

Ynne ka sngi da jied leh ya u Ananias Nongdhar kam u President ka 14-Pynthorumkhrah Mandal hei emlang u montri ka sorkar jylla, u AL Hek wa kiwi ki dkhot.

Da jied leh ya u Dr. Habelson Shylla kam u President ka 21-Nonthymmai Mandal ha ka yalang wa man ha RR Colony Mandal BJP Office heiwa da emlang u State Vice President, u Ernest Mawrie, u Dipayan Chakraborty wa kiwi kiwi.

Share this:
Previous

Rah ka Jalaphet Bri Sumer ya ka Super League 2019 ka SBSA

Next

Ieh noh u Ivanlumlang Marbaniang kam u President ka PDF