Ieh u pa O ya ka Ampati yow wanrah u ya ka roi ka paar cha kiwi wei nga u pteiñ O ya ki kaam wa bha yong oo: Miani Shira

Ampati: Ka yalap Election ya ka Ampati By-election da joor bha ko heiwa pyn-arliang ki seiñ wa kynthup ya ka Congress waka NPP da sdang wow kynthah ki iwi ya iwi.

Neiliang ka president ka All India Congress Committee Mahilla, ka Sushmita Dey, ynne da beiñ joor ko ya ka sorkar u Narendra Modi deiwa kdaw yei pynku dor ko ya ka bai Petrol, Diesel waka bai tadong Gas iwa da ktah ya ki paidbah.

Da ong ko wa ini pynyoo i wa u Modi ym bna u ya kiwa dooh wa duk wei pyrkhat u du neibynta ki heh Company wei da e nongmuna ko ya ini ha ka jylla Assam deiwa ong wa ym ye ka BJP wow wanrah i myntoi ya ki paidbah.

Da ong ko leh wa ha kini ki le bnai ka sorkar u Conrad Sangma da nood ko wow beiñ yei kreh chitom u Dr. Mukul Sangma ha Ampati kiwa waroh da atnood ki ya ki kaam pynroi wa da wanrah u.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Katwa kamtæ da kop ko wa ka sorkar u Conrad ym neh ko wei daw haap ko chwa ka Election MP wei yeini da pynsakhiat deiwa ym nood u wow yieñ yaleh Election na Ampati wei kiwi ki seiñ hima sima leh ym em kyrchaan ki ya oo.

U President ka MPYCC u Richard Marak da ong u wa ka NPP haap pynbna ko cha ki kotkhubor ya kiwon kiwon kiwa nood wow yeiñ yaleh Election hapoh Ampati wei lada ym leh ko kamni ka Miani Shira da jop ko khlem em wa yeiñ pyrchah ya ka wei da pynyeiñ ki da u kyrtong wa da chah kyntait ha Ampati la sien.

“Nga yooluti O wa u Conrad tip u wa manda kylli O ya ki paidbah ka Ampati wow yieñ Election O heithaw u pa O waroh kyrchaan ki wei u pa O da ieh u ya ka Ampati neibhah oo tip lut u yei thrang ki paidbah yow ye O u pteiñ ya ki kaam wa bha wa da leh u. I ieh u ya ka Ampati ymtoh wa thooh u ya ki thaw kreh wa suk wow yoh myntoi u samen kamwa pynbaad ka NPP tangwa da chim u ka kam ka laad wow wanrah ya ka roi ka paar cha ka Constituency kawa da chah ieh dien ha ki kaam ka roi ka paar. Hadien wa wanrah u pa O ya ka sarokbah na Nongstoin cha Tura lyngba ka Songsak, ki paidbah ka Songsak da tip ki wa u pa O daw wanrah u ya ka roi ka paar kamwa da leh u ha Ampati,” da ong ka Miani Shira kawa man ka kyrtong ka Congress.

Da ong ko leh wa u Prestone Tynsong da ong u wa ka Congress toh ka Party kawa da piah, yoosar da mylliñ u wa oo da ieh u ya ka Congress du neidaw i kwah myntoi samen yong oo heiwa nachwa toh uwa yahkhmat ka Party Congress wei da pyrchang u leh wow tympiah ya ka Congress tangwa hadooh katni man ko kawa yatylli.