theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Ieh u Suni Bareh yei kaam seiñbhalang yow yaleh MLA na 6-Khliehriat

U Suni Bareh uwa na Rymbai da ieh u yei kaam kam u General Secretary ka JSM, Eastern Region yow yieñ Election MLA ha u 2023 na ka 6-Khliehriat Constituency.

Da ong u wa em i angnood yong oo wow yaleh Election wei da paan leh yei kyrkhu na ka seiñ yow poi cha kani ka thong deiwa wanrah noh yei khooid ha ka kaam yaleh Election neibhah mar ya poi ka Election, kiwa thap Vote da sñiaw wa da toh i por wow yoh poisa ki.

Advertisement ad1

Da kyntu u ya kitu kiwa da dap 18 kiwa da yoh u thap Vote wym toh u pyrkhat ya ka poisa ha ka por Election wei wym toh u baam poisa ki yow sdang u pynkhooid ya ka kaam synchaar paidbah deiwa pynchlur leh ya ki khynroo khyllood wow psiah chapoh ka kaam Politics yow pynkhooid noh ya ini waroh.

Da ong u leh wa kiwa boon ki kyrtong na Khliehriat toh kiwa da heh rta lait noh u MLA wa katni kamtæ chim u yeini kaam ka thong wow jop ya oo para wa dang khynroo.

Da ong u wa lada e laad ki paidbah wow poi cha ka thong jop, daw yaleh u wow wanrah ya ka aiñ wow yada ya ka jaitbru neibhah hawa pait cha ka Rymbai Road wa ka Khliehriat da yoo maa i boon ki bru wa na baar.

Daw kreh u leh wow pynyoh yei hok kiwa dooh wa duk ya ki Scheme sorkar neibhah kamwa man katni du kiwa biang poisa kiwa yoh ya ki Scheme sorkar.

U yaleh u wow pynku ya ka puræ puthi neibhah hapoh ka District ym em kawi leh ka College sorkar wei wow wanrah leh ya Entrepreneur Training Institute.

Kamtæ da paan u yei kyrchaan ki paidbah wei heiyatoh wa ka Party, u Suni da ong u wa daw pynbna hadien.  

Advertisement ad1
Share this:
Previous

Pynyoo rong ka DIRC ya ki riam Ryndia kam chibynta ka National Handloom Day

Next

Sdang ka sorkar da ka Common Registration Facility wow yaleh Card Rachon ha ki 11 tylli ki jylla