Ha iwi i jia tyrrah kari iwa da jia ynne i janmiet, kawi ka kari Hyundai i10 kawa em ya u Number ML-05L-8767, kawa em ki dak wa thoh ‘Press’ nakhmat, da lai thung ko cha rood sarok deiwa tyrrah leh ya kawi ka kari Tata Nexon kawa em ya u Number TG-07E-5517 wei waroh ar tylli ki kari da sih bha ki.
Ini i ya tyrrah kari da jia i ha u National Highway-6 ha ki bynta yong ka chnong Jyntru. Wei katkam ka khubor wa da yoh, ini da jia i heipor 4 chiteiñ hadooh 5 waje i janmiet, katwa ka kari Tata Nexon dang hiar ko cheiliang Shillong yow lai cha Guwahati. Ha itai i por, ka kari Hyundai kawa dang ku cha Shillong da yah ka deiwa smat wei da kynthiar ko na chiliang cha chiliang sarok deiwa lai tyrrah ya ka kari Tata Nexon.
Hadien wa jia ini, uwa yah ka kari Hyundai da yut u na kani ka thaw wei ym em chemdien oo deiwa ieh leh ya uwi u lok wa chong hapoh ka kari.
Neiliang uwa chonglang hapoh ka kari Hyundai, da khana u wa kani ka kari toh ka yong u pa yong oo wei dang mut ki wow lai cha Shillong. Da ong u leh wa ymtip kammon jia ini i ya tyrrah neibhah ha itai i por dang yoh thiah u wei da khyrngiat u hadien wa jia i ya tyrrah wei ym em leh yoo u ya uwa yah kari neidaw wa da yut u na ini i thaw.
Ha ini jia, le ngut ki bru kiwa chong ha ka Tata Nexon wa uwa chong ha ka Hyundai da mynsoo ki malu-mala. Katwa ya uwa yah ya ka Hyundai hadooh kattæ ym pu em chemdien oo.
Hadien wa tip yeini wa jia, ki pulit ka Nongpoh dapoi ki wut-wut cha kani ka thaw yow pynman yei takit yei daw wa jia ini wei da taan leh ya waroh ar tylli ki kari cha thanat yow pynman yei takit.
Discussion about this post