Jowai: U Commanderful Sana uwa man leh kam u Vice President yong ka seiñ All Jaiñtia Youth Welfare Organisation – Central Governing Body (AJYWO-CGB) da pyntip u wada booh u yaka chithi iehnoh kaam na ka seiñ ha u Prsident yong ka u MH Dkhar ha ka 11 Naisaphra.
Heijooh i por da pyntip u cha ki paidbah wa oo ym em bynta de u wa ka seiñ wei lada em iwon iwon i eh i khoo wa yachem ki wow yaklam bait ya u President namo ki dkhot ka seiñ.
Chooh chooh da ong u wa heipor wa dang em u wa ka seiñ boon hi ki kaam ka seiñ ym em man ki kiwa sepia neibhah ki dkhot wa kiwa kitkaam yong ka yakrehlang ki met mynsien neibhah kini ki kaam.
Kamtæ da kitbok kitrwiang u ya ka seiñ ha ki chakri ynong ka cha ki paidbah khamtam ki wa dooh wa duk, katwa oo won kam u bru samen wa em mynsien neibynta ka jaitbru u yarap bait u ya kiwa emkaam ya oo kam u bru samen hei bor samen yong oo hi.
Da pyntip u leh wa ym em iwon iwon i daw wa mih noh u na ka seiñ wa da leh u yeini toh na ki daw samen yong oo.
Discussion about this post